Ikaw ang aking Pangarap (Pahina 08)

By: FUGI

Pauna: Hindi po talaga ako manunulat, naimpluwensyahan lang po ako nang mga magagandang kwento na nakapost sa site na ito na talaga namang naging bahagi na ng ating kaisipan na habang binabasa natin ang istorya mapa based sa totoong pangyayari sa buhay o likhang isip lang ng mga magagaling na author, hinihiling natin na SANA MANGYARI RIN SA ATIN ANG GANUN, na SANA TOTOONG MAY HAPPY ENDING at SANA AKO, IKAW, TAYO ang BIDA sa mga LIKHA nila.

Kaya naman ginusto ko na makagawa ng kwentong AKO naman ang BIDA, nasa po ay magustuhan nyo ang aking likha.

Disclaimer: ang istoryang ito ay 50% totoo at 50% likhang isip lang (50-50 ba talaga?), 40% ang totoo at 60% ang gawa gawaan lang (weh?) sige na 30% true to life at ang natitira ay imbento (yung totoo??) oo na sige na 10% lang ang purong totoo at 90% ang likha ng aking imahinasyon, kainis kumukontra pa kwento ko naman to ah! (hahahahaha).

The Unknown Guy named ANTHONY GUTIERREZ

Ako nga pala si Anthony, Anthony Gutierrez, pagpapakilala ni unknown guy sabay abot ng kamay niya para makipagshakehands

Tiningnan ko siya mula ulo hanggang paa (parang Head to toe assessment pero hindi naman ganoon kakompresibo, nakadamit kasi.. hahhahaha biro lang), tingin na nanunuri.

Nang mapatapat ako sa mukha niya (aba pwede! Hehehe)

--------------------------------

Nga pala Trivia ulit:

Yung Head to Toe Assessment na sinabi ko kani kanina lang ay isang comprehensive bodily exam na ginagawa naming mga nurses mula ulo hanggang paa na ginagamitan din nang ibat-ibang uri ng instrumento. Ginagawa namin ito para pag nagtanong ang doktor about sa pasyente makakasagot kami (para hindi kami mapagalitan, tama ba nurses out there?? Hehehe)

-AHA! (hehe sori kuya kim. Hahaha)

----------------------------------

Habang nakatingin ako sa kanyang mukha....

Parang kilala kita, sabi ko sa lalaking nag ngangalang anthony

Ngumiti siya ay lumabas ang lumabas ang nag-iisang biloy niya sa kanang pisngi at nagwika siya ng....

Kasi classmates tayo, sabi ni anthony habang nakangiti paring magkatinginan kami

Para naman may kung ano sa akin na hindi ko maintindihan bakit para nagagwapuhan din ako sa lalaking ito. Kainis kasi si ian, may kung ano ginising sa akin.. hehehe nanisi na. haha

Ah.. kaya pala pamilyar ka, Fugi, Figi Chio , pagpapakilala ko sa kanya sabay abot sa kanina pang nakalahad na kamay niya sa akin. (lambot ng kamay ah! Mukhang hindi to gumagawa ng house hold chores, hehehe, ganoon daw kasi yon)

Ano nga pla ginagawa mo dito sa school? Tanong niya sa akin habang hindi niya parin binibitawan ang pagkakahawak niya sa kamay ko mula sa shakehands na naganap.

Ah.. eh.. yung kamay ko, ang medyo mahina at nahihiwa kong sabi sa kanya

What? Tanong uli ni anthony, hindi niya ata narinig

Ah... kasi (sabay nguso ko sa kamay namin na magkahawak pa din)

Tiningnan niya ang itinuturo ng nguso ko at nangmakita niya iyon ay naintindihan naman niya siguro ang ibig kong ipahiwatig kaya agad naman siyang kumalas sa pagkakahawak sa akin

Sorry, sabi sa akin ni anthony 

(ang sarap kasi hawakan ng kamay mo kaya ayaw ko na bitawan, bulong naman ni anthony)

Kinuha ko uniform ko, biglang sabat ko sa na mumuong katahimikan

Ha? Ang medyo nabigla niyang sagot (siguro dahil sa nahiya siya sa nangyari kanina)

Hindi ba itinanong mo kung bakit ako nandito sa iskul, kinuha ko lang ang uniform ko, sabay ngiti sa kanya

Ikaw bakit ka din andito tanong ko kay anthony..

****************

-------------> Anthony Gutierrez

Nagyong araw na napagpasyahan ko pumunta ng school para lakarin ang pagpapagawa ng sticker para sa aking kotse para makapasok at maipark ko ito sa loob ng school (ganoon kasi ang patakaran yung sticker ang magseserve na I.D. para makapasok ang mga sasakyan ng mga estudyante)

Nang maipark ko sa labas ang ang kotse ko (dahil wala pa ngang sticker), agad ako pumunta sa JPL Bldg sa second floor, sa OSA (stands for: Office of Student Affairs) office, ahil dun daw nagpapagawa noon.

Hindi naman ako nagtagal at nakuha ko din ang agad ang sticker. Agad akong lumabas ng opisina na iyon at nagtungo palabas ng gate.

Akala ko magiging pangkaraniwan lang ang araw na ito para sa akin pero sadya talagang may mga magagandang nangyayari sa bawat araw, at ang arw na ito ay isa sa mga iyon

Nang-igala ako ang mga mata ko, may nakapukaw ng pansin ng mga ito. Isang lalaki na talaga naman nagstand-out sa lahat ng tao na nasa paligid namin. Nakatayo ito sa harap ng isang bldg. at nag-aantay ata ng dyip na masasakyan. Simple lang ito sa suot nitong blue v-neck shirt at style bitin na skinny faded grey jeans at white shoes pero sobrang elegante niya, ang galing niya magdala. Ang cute niya din sa suot niyang eye glass. 

Habang tumatagal ang pagtitig ko sa kanya, unti unti ko siyang nakikilala, kaya naman hindi na ako nag-aksaya pa ng panahon at tuluyan na ako naglakad patungo sa kinaroroonan ng lalaking kumuha ng aking atensyon

Nang makalapit na ako..

Ako: Fugi right?

Tumango ito sa akin at humarap sa akin (sobrang amo ng mukha niya, kaya hindi ko mapigil ang mapatitig sa mukha nya)

Nakita ko sa itsura niya na parang nagtatanong kung sino ako (cute nang itsura niyang iyon, kaya hindi ko mapigilang mapangiti)

Ako: Anthony, Anthony Gutierrez (pagpapakilala ko sabay lahad ng kamay ko)

Tiningnan niya lang ako mula ulo hanggang paa, na parang sinusuri ako at kinikilala. At pagkatapos ng ilang sandali bigla siyang nagwika ng

Fugi: Parang kilala kita (nag-aalangan niyang sabi)

Ako: Kasi classmates tayo (nangingiti kong paglalahad sa kanya, hindi ko mapigilang hindi mapangiti ang cute niya kasi)

Kahapon pa nakuha ni Fugi ang pansin ko, akala ko dahil siya lang yung nakacivilian sa klase kahapon, pero habang tumatagal ay natutuwa akong titigan siya. Nagtataka man ako sa pakiramdam na ito dahil bago ito sa akin, hindi ko na iniitindi ito dahil nagiging masaya naman ako at kakaiba ito at parang si fugi lang ang nagdulot nito sa akin.

Nahihiya lang ako magpakilala kahapon at napansin ko na sa sumunod na naming mga klase ay may kasa-kasama na siya kaklase din naming nag ngangalang ian, kaya lalong nawalan ako ng pagkakataong magpakilala sa kanya. Nagkasya na lang akong pagmasdan siya at ang lahat ng ginagawa niya.

Pero kita mo nga naman sa hindi inaasahang pagkakataon, tadhana na ang gumawa ng paraan para pagtagpuin ang aming landas.

Fugi: Ah.. kaya pala pamilyar ka, Fugi, Figi Chio , pagpapakilala nito sa akin sabay abot sa kanina ko pang nakalahad na kamay (kakaiba ang naidulot nito sa akin, ang gaan at ang lambot ng kamay niya, ang sarap hawakan, kaya naman hindi ko na namalayan na nagtatagal na pala ang hawak ko duon)

----------------------

Nga pala madlang pipz (si fugi po ito pumasok muna ako sa moments ni anthony kasi may gusto lang akong linawin), Paano kasi sabi ko pagmalambot ang mga kamay hindi gumagawa ng gawaing bahay pero exception po yung sa akin ha,, malambot kamay ko kasi inborn na yun... hahahahahahhahaha (back to you anthony)

----------------------

Ako: Ano nga pla ginagawa mo dito sa school? (tanong ko sa kanya habang hawak padin ang kamay niya)

Tumimik naman si fugi kaso hindi ko narinig dahil may kahinaan ito kaya naman sumenyas na lang ito gamit ang kanya labi at inginuso ang aming mga kamay

(Doon ko napansin ang kanyang may pagkapink na mga labi na tama lang ang laki at alam ko sobrang lambot noon kaya nasabi nalang ng isip ko na “ang sarap siguro noong halikan” na talaga namang nagpangiti sa akin)

At nang maintindihan ko ang isinenyas niya ay agad kong tinagal ang kamay ko sa pagkakahawak sa kanya at sa puntong iyon ay nahiya ako sa aking ginawa. Kaya agad ako humingi ng tawad

Ako: sorry (medyo nahihiya kong sabi), sarap kasi hawakan ng kamay mo (pabulong ko namang sabi sa sarili ko)

Fugi: Kinuha ko uniform ko (biglang sabat ni fugi sa na mumuong katahimikan sa pagitan namin)

Ako: Ha? (ang medyo nabigla kong sagot dahil sa nagawa ko kanina)

Fugi: Hindi ba itinanong mo kung bakit ako nandito sa iskul, kinuha ko lang ang uniform ko (sabay ngiti nito sa akin)

(grabe ang ganda niya ngumiti bagay na bagay sa maamo niyang mukha)

Fugi: Ikaw bakit ka din andito (kasunod tanong niya sa akin)

*****************

Itutuloy......