Complicated Cupid (Teaser)

by: Zildjian

email: zildjianace@gmail.com

blog: ZildjianStories

Author's Note:

Heto na naman ako at sa mga katarantaduhan ko. Ito po ang kasunod na kwento ng series kong Make Believe. Ito naman po ang kwento nina Nicollo at Lantis. Sana ay ma-enjoy niyo ang kwentong ito katulad ng naramdaman niyo sa iba ko pang mga kwentong nagawa.

Gusto ko rin pong sabihin na ang kwentong ito ay maglalaman lamang ng 10 Chapters. Gusto ko kasing subukang gumawa ng isang kwento na hindi gaanong mahaba pero sulit naman. Sana ay magustohan niyo mga paps! Ingat tayo lagi!

---

Si Niccollo Alegre o mas kilalang Nico ay likas ang pagiging arogante sa lahat ng bagay maliban sa isang pusang minsan lang naligaw sa bahay nila, si Kerochan. Ngunit bukod sa kanya ay may isa pang gustong umari sa galang pusang iyon at iyon ay walang iba kung hindi ang taong nakatira katapat ng bahay nila at isa rin sa apat niyang kaibigan no’ng high school, si Lantis Santiago. Subalit kahit nabibilang sila sa iisang grupo ay hindi sila magkasundo nito. Lantis hates him to the point na kapag nabibigyan sila ng pagkakataong makapag-usap ay laging nauuwi sa iringan.

Lalong lumala ang sitwasyon ng muli silang magkita-kita after college. Kung noon ay nakakaya nilang ignorahin ang existance ng bawat isa kahit paman magkatabi lang sila, biglang nag-iba ang ihip ng hangin after almost 6 years nilang hindi pagkikita. Lalo kasing tumindi ang galit sa kanya ni Lantis na hindi niya alam kung saan nito hinuhugot lalo na ng dumating sa buhay nilang dalawa ang inosenting pusa.

Lantis started to get into his nerves. Nagsimula na siyang mapikon dito sa tuwing susugod ito sa kanya at pararatangan siya ng kung anu-ano kaya lalong tumindi ang bangayan nilang dalawa. He begun to hate Lantis existence, kaya naman umiwas na siya rito. Pero may isang hindi inaasahang pangyayari ang naganap dahilan para lalo silang pagdikitin ng taong ayaw na sana niyang makita at makausap pa kahit kailan.

Sinubukan niyang ignorahin na lamang ulit ito. Ngunit habang nasa isang lugar sila na malayo sa sibilisasyon, at ipinagsisisiksikan niya ang karapatan sa pusang kung tutuusin ay hindi naman talaga niya pag-aari ay isang damdamin na matagal ng nagkukubli sa puso niya ang nagising. Isang damdamin na hindi niya inaakalang p’wedi niyang maramdaman sa isang kapwa niya lalaki at sa mortal pa niyang kaaway na bukod sa pagiging masungit nito ay palagi pa itong aburido. What will happen if love and hate collide? Anong damdamin ang mananaig? Paano kung ang taong napili ng puso niya ay ang taong kasing laki ng mundo ang galit sa kanya?

Abangan ang kwento ni Nicollo at Lantis ngayon Hunyo 4, 2012. Ang kwentong magpapakita sa atin na walang sino man ang kayang tumakas sa kamandag ni pareng tadhana at pareng kupido!